Tip:
Highlight text to annotate it
X
1 After this here Jesus show himself to him follower them
one more time. That time here,
him do it a the Tiberius Sea. This a what happen:
2 Simon Peter, Thomas (which them call Didymos),
Nathaniel (which come from Cana in Galilee),
Zebedee boy pickaninny them, and two of Jesus other follower them
did there together.
3 "Me a go catch fish," Simon Peter say to them.
So them answer him say, "We a come with you."
them go in the boat, but the night there,
them no catch a thing. 4 Early in the morning,
Jesus did a stand up on the seaside, but him follower them not see say a him.
Jesus did a stand up on the seaside, but him follower them not see say a him.
5 Him call out to them and say, "Brethren,
you no have no fish?" "No,"
them answer. 6 So him tell them say,
"Fling over your net upon the right-hand-side of the boat and you will find some."
So them do that, and them couldn't pull up back the net,
sake of the whole heap of fish which them catch with it. 7 Then the follower which Jesus did love
tell Peter say, "A the Lord!" Same time
Simon Peter hear that there, him wrap the lick of clothes which him did have
on round him (because him not have on nothing under it)
on round him (because him not have on nothing under it)
and him jump in the water. 8 The other follower them
follow back Peter. Them did a haul in the net full of fish
because them not there far from shore — only about
hundred yard. 9 When them reach in,
them see coal fire with fish and bread upon it.
10 Jesus say to them say, "Carry some a the fish which you catch come."
11 Simon Peter climb in the boat and
haul in the net. It did full a big
fish, one hundred and fifty three a them,
but with all them mount a fish there, the net not bust up.
12 "Come yum breakfast," Jesus say to them.
But none a them no bareface enough to ask him say,
"A who you?" because them did know say
a did the Lord. 13 So Jesus come,
take the bread and give them, and him do the same thing with the fish.
14 Now that make three time Jesus show himself to him follower them
14 Now that make three time Jesus show himself to him follower them
after him come back alive.
15 After them done yum, Jesus ask Simon Peter say,
"Simon, John boy pickaninny,
you love me more than how you love them here?"
"Yes, Lord," Simon say "you know say me love you."
So Jesus say, "Feed me baby sheep them."
16 Jesus ask him again say,
"Simon, John boy pickaninny,
you love me for sure?" Him answer, Yes, Lord,
"you know say me love you." Jesus say to him say,
"Take care a me sheep them."
17 For the third time Jesus ask him say, "Simon, John boy pickaninny,
you love me?" Peter did feel a way,
because a three time now Jesus ask say,
"You love me?" So him say, "Lord, you know everything.
You know say me love you." Then Jesus say to him say,
"Feed me sheep them. 18 [Me a tell you for sure sure,] when you did smaller
you put on your own clothes and you go anyway you wanna to go,
but when you get old you going to stretch out you hand them,
and other people going to put on your clothes
and take you go which part you no wanna go." 19 (Now Jesus did a talk about the way how Peter
did a go dead, and how him did a go make God get big up because of the way him dead.)
Then Jesus say to him say,
"Follow me!" 20 Peter turn round and see the follower which Jesus did love.
(The same one which did sit down side of Jesus
when time them did a yum the last supper. A him same one did ask Jesus say,
"Lord, a who a go sell you out?")
21 When Peter see him, him say to Jesus say,
"Lord, what going to happen to him?" 22 Jesus say to him say,
"If me wanna him to live till me come back, what make that a bother you?
You just follow me."
23 So sake of Jesus say so, it did a go round amongst the brother and sister them
say the follower here not a go dead.
But a not that Jesus did say, him say,
"If me wanna him to live till me come back,
what make that a bother you?" 24 A this a the follower which see
the whole a them something here to himself and tell people about them.
A him write them down
and all a we know say a true him a talk. 25 Jesus do whole heap a other something.
If everything did to write down in book, space would not there in the world
to hold all a the book them which people would write.