Tip:
Highlight text to annotate it
X
Hiz'abr e dasht e nainawa Ameer e Laskhar e Hussain (A.S)
nehang e qulzum e wagha Ameer e Lashkar e Hussain (A.S)
khazang e tarkash e qaza Ameer e Laskhar e Hussain (A.S)
ba rang e Shah e La fataa Ameer e Laskhar e Hussain (A.S)
jareeh dilair ba wafa Ameer e Laskhar e Hussain (A.S)
wafa ba had e mo'jiza Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
ye Zulfiqar e Haidery (A.S) ye shair e be Shah e Najaf (A.S)
ye taigh taiz o hashmi nishan e jurrat e salaf
har aik ka markaz e nazar kafeel e tashnigaan e taf
kinaray neher e alqama, tamam fauj ka hadaf
kisi say par, na ruk saka Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
bahaduran e saff shikan mai iss jareeh kay tazkiray
dilawarain e taigh o zann mai iss jareeh kay tazkiray
har aik wafa ki anjuman mai iss jareeh kay tazkiray
Rasool e Pak (S.W.W) kay chaman main is jareeh kay tazkiray
ghuroor e Aal e Mustafa (S.W.W) Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
bahaduran e saff shikan mai iss jareeh kay tazkiray
dilawaran e taigh o zann mai iss jareeh kay tazkiray
har aik wafa ki anjuman mai iss jareeh kay tazkiray
Rasool e Pak (S.W.W) kay chaman main is jareeh kay tazkiray
ghuroor e Aal e Mustafa (S.W.W) Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
Hussain (A.S) ka akhi bhi hai Hussain (A.S) ka ghulaam bhi
Hussain (A.S) ki sipar bhi hai, tabar bhi hai husaam bhi
Hussain (A.S) ki zira bhi hai KamaN bhi hai sehaam bhi
Hussain (A.S) hukm dain agar, to shimr (L) say kalam bhi
wagarna wo, kuja, kuja, Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
Hussain (A.S) izn dain agar abhi ye sab ko daikh lay
abhi Iraq o Sham ko abhi Halab ko daikh lay
abhi abhi yeh kufiaan e bay adab ko daikh lay
muqabla jo aa paray to kull Arab ko daikh lay
misaal e Shah e La Fataa (A.S) Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
ishara e Imam (A.S) ho to fatah main dhara hai kiya
shuaa e meher kay liyay ye shaam ki ghata hia kiya
furaat tak na janay day kisi main hausla hai kiya
Ali (A.S) kay shair kay liyay ye jang e karbala ha kiya
ulat day takht shaam ka Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)
yazeed (L) e badd nehaad say sukoon e zaat cheen lay
muhafezeen e neher say haq e hayat cheen lay
jo marzi e Hussain (A.S) ho abhi furaat cheen lay
furaat kiya hai ye wo hai ke kaainaat cheen lay
bara buland hausla Ameer e Laskhar e Hussain (A.S)
Hiz'abr e dasht e nainawa Ameer e Laskhar e Hussain (A.S)