Tip:
Highlight text to annotate it
X
Como chi so imbitzadu
si non bèngio a inoghe
nessi una borta a s'annu
non nche passo s'annu
ite m'at a pàrrere?
pro ite so goi
non dd'isco mancu deo
Paret ca nàschidu e pesadu
in custas passadas
m'apat mamma mia
chi in su dossu meu
che unu sardu a beru
piludu·piludu
mi dd'at fraigadu
Fortzis pro m'assimigiare
bene a sos antigos
totu sa persone
sena paragone
mi dd'at prena de tzuddas
chìrdinas e nieddas
sena ddas contare
Eco pro ite so imbitzadu
pro ite de custa terra
so innamoradu
E m'incadeno a unu nuraghe
in cumandu a totus·totus
sos chi istorbant
Lassade·mi istare!
Custas perdas antigas mi faghent regordare
sas raighinas, sos passados
sos restos abarrados
oe in die
Lassade·mi istare!
ca a tzugru non mi fatzo istrìnghere
una cadena pro mi ispìnghere
a mi nde andare
Como bos si depo nàrrere
si in sos chìgios meos
chi porto mustatzos
giai no est de badas
si in cartzas e bragas
unu sardu antigu
narant chi pàrgio deo
S'arresone est un'ebbia
una solamente
meda antigamente
sos bisajos meos
ant a bìvidu inoghe
nche sunt nàschidos
crèschidos e pesados
Eco pro ite so imbitzadu
pro ite de custa terra
so innamoradu
E mi nche torro a su nuraghe
in cumandu a totus·totus
sos chi istorbant
Lassade·mi istare!
Custas perdas antigas mi faghent regordare
sas raighinas, sos passados
sos restos abarrados
oe in die
Lassade·mi istare!
ca a tzugru non mi fatzo istrìnghere
una cadena pro mi ispìnghere
a mi nde andare
Como chi s'arcanu
dd'ais cumprèndidu bene
non mi domandades
prus de in ue so
e si prontos seis
como canto a tràgiu
de passu torradu