Tip:
Highlight text to annotate it
X
Mii imaa waa-ni-dazhindamaan isa i'iw
ge-onji-ayaangwaamitooyang da-ni-biminizha'amang da-gikendamang i'iw
da-ojibwemoyang. Ishke a'aw Anishinaabewiyang mii ingiw
Manidoog gigii-miinigonaanig ow akeya da-inweyang
Ishke odaa-wenda-minwendaanaawaa miinawaa
ani-noondamowaad a'aw Anishinaabe aaniindi go
endanakiid da-noondawind a'aw Anishinaabe ojibwemod
Ishke dash gaye
i'iw
geget ochi-naadamaagon ow biinjina a'aw
Anishinaabe
ani-ayaangwaamitood ow akeya gaa-izhi-miinigoowizid
Ishke imaa biinjina imaa ow jichaagwan mii iw
ani-dazhindamaan a'aw sakab da-ni-izhi-ayaad. Ishke
ani-biminizha'amang ow akeya
sa ani-inikamigizid a'aw Anishinaabe asemaaked
aw anooj igo gegoo ge-ni-izhichiged. Mii imaa naadamaagoyang imaa
biinjina i'iw
weweni go ani-odaapinimang ani-mamooyang ani-apiitendamang gaa-izhi-miinigoowiziyang Anishinaabewiyang
Ishke a'aw Anishinaabe bakaan ani-maamood iw akeya
aw wayaabishiiwed gaa-izhi-miinigoowizid sa go ani-izhi-bimaadizid gaawiin imaa sakab biinjina
da-ni-izhi-ayaasiin a'aw miigwanaadizid dibishkoo imaa biinjina
mii iw
Mii dash iw ani-odaapinimang ani-mamooyang ow akeya gaa-izhi-miinigoowiziyang Anishinaabewiyang. Mii iw enaadamaagooyang
Ishke maa ojibwemoyang mii iw
gaye
izhi-naadamaagoowiziyang imaa biinjina
Iske niminwendaan geget aw iko
ani-waawaabamag a'aw Anishinaabe mawadisag wenjida a'aw gekendang ow
ojibwemowin geget niwenda-minokaagon imaa
sa ani-gaagiigidoyaang anooj igo gaye ikidoyaang ani-aabjitooyaang ow akeya gaa-izhi-inweyaang
gaa-izhi-miinigoowiziyang da-inweyang
mii iw
naa wenji-apiitendaagwak i'iw
sa
da-ni-gagwe-gikendamang i'iw da-bi-azhegiiwemagak sa ow ojibwemowin
mii go maa